Call Vidheesi contact Number: 0091 9526448281
മനുഷ്യമാസം ഉണക്കിപ്പൊടിച്ചൊരു സര്‍വരോഗ സംഹാരി; നിര്‍മാണം ചൈനയില്‍ , ഉപയോഗം കൊറിയയില്‍
സോള്‍ : മനുഷ്യശരീരങ്ങള്‍ ഉണക്കിപ്പൊടിച്ച് എല്ലാ രോഗങ്ങളെയും ശമിപ്പിക്കുന്ന ക്യാപ്‌സൂളുകള്‍ ചൈന നിര്‍മിക്കുന്നതായി ഞെട്ടിപ്പിക്കുന്ന റിപ്പോര്‍ട്ട്. ഇതിന്റെ പ്രധാന വിപണിയായ ദക്ഷിണ കൊറിയയിലേക്ക് കടത്തുന്നതിനിടെ ക്യാപ്‌സൂളുകള്‍ പിടികൂടിയപ്പോഴാണ് മനുഷ്യജനതയ്ക്ക് നടുക്കമുണ്ടാക്കുന്ന വിവരം പുറത്തായത്.
സോള്‍ വിമാനത്താവളത്തില്‍ നിന്ന് സംശയകരമായ വിധത്തില്‍ പിടികൂടിയ ക്യാപ്‌സൂളുകളില്‍ നടത്തിയ പരിശോധനയിലാണ് വിദഗ്ധരെപ്പോലും ഞെട്ടിച്ചുകൊണ്ട് അതിലെ 99.7 ശതമാനവും മനുഷ്യശരീരത്തിന്റെ ഭാഗങ്ങളാണെന്ന് കണ്ടെത്തിയത്. എല്ലാ രോഗങ്ങളും ഇല്ലാതാക്കുമെന്ന് അവകാശപ്പെടുന്ന ക്യാപ്‌സൂളുകള്‍ക്ക് ചൈനയിലും ദക്ഷിണ കൊറിയയിലും വന്‍ഡിമാന്റുണ്ടെന്ന് തുടര്‍ന്ന് നടന്ന അന്വേഷണത്തില്‍ വ്യക്തമായി.
നവജാതശിശുക്കളെയാണത്രെ ക്യാപ്‌സൂളിനായി പ്രധാനമായും ഉപയോഗിക്കുന്നത്. ഗര്‍ഭഛിദ്രം നടത്തി പുറത്തെടുക്കുന്ന കുഞ്ഞുങ്ങളുടെ ശരീരാവശിഷ്ടങ്ങളും ഇതിനായി ഉപയോഗിക്കും. ചൈനയിലെ മിക്കവാറും ആശുപത്രികളില്‍ ഗര്‍ഭഛിദ്രം നടത്തപ്പെട്ടാലോ അനാഥരായി കുഞ്ഞുങ്ങള്‍ പിറന്നാലോ അവിടത്തെ ജീവനക്കാരിലെ ഏജന്റുമാര്‍ മെഡിക്കല്‍ കമ്പനികളെ അറിയിക്കുകയും കമ്പനികള്‍ തുച്ഛമായ പണം കൊടുത്തോ അല്ലാതെയോ അവ സ്വന്തമാക്കുകയുമാണ് പതിവ്. ചൈനയിലെ കുപ്രസിദ്ധമായ മരണ മുറി(അനാഥശാലകളെ കേന്ദ്രീകരിച്ച് പ്രവര്‍ത്തിക്കുന്നതായി പറയപ്പെടുന്ന മുറിയാണിത്. അനാരോഗ്യരായ കുട്ടികളെയും മറ്റും ഈ മുറിയില്‍ ബന്ധിച്ചിടുകയും പട്ടിണിക്കിട്ട് കൊല്ലുകയും ചെയ്യുന്നതായാണ് റിപ്പോര്‍ട്ട്. അതിവേഗം വര്‍ധിക്കുന്ന ജനസംഖ്യ നിയന്ത്രിക്കാന്‍ പാടുപെടുന്ന അധികൃതര്‍ ഇതിന് പിന്തുണയേകുന്നുണ്ടത്രെ) യില്‍നിന്നുള്ള ശരീരങ്ങളും കമ്പനികള്‍ ഏറ്റെടുക്കും.
ചെറുശരീരങ്ങള്‍ റഫ്രിജറേറ്ററുകളില്‍ സൂക്ഷിച്ചശേഷം കുറെയാകുമ്പോള്‍ ക്ലിനിക്കുകളിലേക്ക് മാറ്റും. തുടര്‍ന്ന് വൈദ്യശാസ്ത്രപരമായി പ്രവര്‍ത്തിപ്പിക്കുന്ന മൈക്രോവേവുകളിലിട്ട് ഉണക്കും. പൊടിക്കാനാകുന്ന പരുവംവരെയാണ് ഉണക്കല്‍. പൊടിച്ചശേഷം ചില പച്ചമരുന്നുകളും ചേര്‍ത്ത് ക്യാപ്‌സൂളാക്കുകയാണ് പതിവ്. പച്ചമരുന്നുകള്‍ക്ക് ഈ ക്യാപ്‌സൂളില്‍ പ്രസക്തിയില്ലെങ്കിലും ആരോഗ്യമേഖലയിലെ അന്വേഷകരെയും കസ്റ്റംസ് ഉദ്യോഗസ്ഥരെയും വഴിതെറ്റിക്കാന്‍ വേണ്ടിയാണിത് ചേര്‍ക്കുന്നത്.
ഔഷധനിര്‍മാണത്തെക്കുറിച്ച് ചൈനീസ് അധികൃതര്‍ക്ക് അറിയാമെങ്കിലും തടയാന്‍ കാര്യമായ നടപടികള്‍ കൈക്കൊണ്ടിട്ടില്ല. പ്രസവസമയത്ത് കുഞ്ഞുങ്ങള്‍ക്കൊപ്പം പുറത്തുവരുന്ന മറുപിള്ള രക്തമുണ്ടാകാനും രക്തപ്രവാഹം വര്‍ധിപ്പിക്കുവാനുമായി പണ്ടുമുതല്‍ കഴിക്കാറുള്ള ചൈനാക്കാര്‍ക്ക് ഇതില്‍ അത്ഭുതവുമില്ല.
മനുഷ്യമാംസത്തിന്റെ പൊടിരൂപത്തിലുള്ള ഔഷധം ഇന്റര്‍നെറ്റിലൂടെ പ്രചരിക്കാനും അതുവഴി ലോകമെമ്പാടും ഇതിന് ഉപഭോക്താക്കളുമുണ്ടാകാനും ഇടയുണ്ടെന്നാണ് ആരോഗ്യമേഖലയില്‍ പ്രവര്‍ത്തിക്കുന്നവരുടെ ആശങ്ക.
കള്ളക്കടത്തുവഴി രാജ്യത്തെത്താതിരിക്കാന്‍ ദക്ഷിണ കൊറിയന്‍ അധികൃതര്‍ ജാഗ്രത പാലിക്കുന്നുണ്ടെങ്കിലും സ്റ്റാമിന ബൂസ്റ്ററുകള്‍ എന്ന പേരില്‍ ഇവ പ്രവഹിക്കുകയാണ്. കഴിഞ്ഞ ഓഗസ്റ്റിനുശേഷം 35 തവണയാണ് ഇത്തരത്തിലുള്ള കള്ളക്കടത്ത് പിടിക്കപ്പെട്ടത്. ഇത് കണക്കിലെടുക്കുമ്പോള്‍ പിടിക്കപ്പെടാതെ എത്രയോ ക്യാപ്‌സൂളുകള്‍ കൊറിയയിലേക്ക് വിമാനം കയറുന്നുണ്ടെന്ന് ആരോഗ്യവിദഗ്ധര്‍ ചൂണ്ടിക്കാണിക്കുന്നു.
ആരോഗ്യദായിനിയും സര്‍വരോഗ സംഹാരിയുമെന്നുമൊക്കെ വിശേഷിപ്പിക്കുന്നുണ്ടെങ്കിലും മനുഷ്യന്റെ ആരോഗ്യത്തിന് ഇത് ദോഷകരമാണെന്നാണ് ശാസ്ത്രലോകത്തിന്റെ അഭിപ്രായം. മരിച്ച ശരീരത്തിലുണ്ടാകുന്ന സൂപ്പര്‍ ബാക്ടീരിയ ഉള്‍പ്പെടെയുള്ള അംശങ്ങള്‍ ഹാനികരകമാണെന്ന് നേരത്തെ കണ്ടെത്തിയിട്ടുള്ളതാണ്.
വടക്കുകിഴക്കന്‍ ചൈനയിലെ കൊറിയന്‍ വംശജരാണത്രെ ഇതിന്റെ പ്രധാന ഉപഭോക്താക്കള്‍. ദക്ഷിണ കൊറിയയിലും അധിവസിക്കുന്ന ഇവര്‍ മറ്റു ജനവിഭാഗങ്ങളെയും ഇത് ഉപയോഗിക്കാന്‍ വിജയകരമായി പ്രേരിപ്പിക്കുന്നുണ്ട്.
Posts
0 comments:
നിങ്ങളുടെ അഭിപ്രായങ്ങള്‍ വളരെ പ്രധാനപെട്ടതാണ്. അതാണ്‌ എന്‍റെ പ്രചോദനവും.
ആവശ്യമെങ്കില്‍ മെയില്‍ അയയ്ക്കുക - vidheesi@gmail.com